Google ADS

Banka Botërore e gatshme për mbështetjen e sektorit të bujqësisë dhe zhvillimit rural

18:22 | 31 Mars 2021
L G

Ministri i Bujqësisë, Pylltarisë dhe Zhvillimit Rural, Faton Peci, ka pritur sot në një takim Arlinda Arënliu, përfaqësuese e Projektit për Bujqësi dhe Zhvillim Rural, që financohet nga Banka Botërore (BB).

Gjatë këtij takimi, ministri Peci dhe përfaqësuesja e projektit të BB-së Arënliu kanë diskutuar për ecurinë e implementimit të aktiviteteve në mbështetje të sektorit, në kuadër të këtij projekti, shkruan arbresh.info.

Ministri Peci, falënderoi përfaqësuesit e projektit të BB-së për mbështetjen që kanë dhënë deri me tash në sektorin e bujqësisë dhe shprehu gatishmërinë e tij për të vazhduar edhe më tej bashkëpunimin në kuadër të këtij projekti, me qëllim të zhvillimit dhe fuqizimit të sektorit të bujqësisë në vend.

Në anën tjetër, përfaqësuesja e Projektit për Bujqësi dhe Zhvillim Rural, Arlinda Arënliu, rikonfirmoi gatishmërinë për mbështetjen e mëtejmë të sektorit të bujqësisë dhe zhvillimit rural në Kosovë përmes aktiviteteve konkrete./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm